تبادل لینک هوشمند 
برچسبها:
نو بهار آتکگ گۏن گُل و پُلّان اےهَبرشنگت ماڑی و کُلّان
گَل کُتَگ هلکا کوچگ و لۏگان گۏشت هما وشآتک ڈگر وزالان
شائر و ندکار بستَگش دیوان نوبهار نازینت گۏن گهیْن گالان
بُلبُل و شانتل چیْر بکت سازان وڑ وڑا ابراز کت دلئے هالان
دل تمام بودناک زند بَیَنت جانان بنت دِراه پچ بنت بستگیْن چالان
نوبهار سبز کت کهچر و زیْدان بنت چَراگ کوهسارپه بز ومالان
چم کپیت سبزان نۏک بیت ایمان هیْل ببیت پلگار مانتگیْن سالان
هلهله چس بوت ڈیه گل و شادان دلوَتان چیهال مُرگ جَننت بالان
هر گۏرا گندَ رحمتان گۏاران شادهیْن رۏچان کس مَبیت نالان
شائریْن آبیار آتک هزام پَلّان شکربکن ربّا ، نۏک بکن شالان
هیچان؛01/01/93شمسی
برچسبها:
مکرانئے شَیْر واجه عبدالله روانبُد(ره)ئے پربَستگیْن.
مکــــــــــــــــــــــران(اولی بهر)
* وَشِّـیـن وطنْ مئے مَکـُّران /// دایــم بـِباتئے کامــِـــران
* آباد وسَبز و مَـــــــــــیْزَرَان /// هروَقت که تئی نامـــا گِـران
* تئی بـُوچـو مـِسکــا بـِیتْ زَران/// تئی دِلـْجَمَیْـن گَٹ و گَــَـران
*سـِیـَه بـَنـْد و سـَبـزیْـن تـِیـهـُران /// گَپَّـاجَـنـَنـْت گون جَمْبَــــران
*تئی سـَــرشـَم و دِرَنـْگ و دَران /// دِرّ و سَیـادی سَنـْــــــگـَران
*تئی کـَـلـَّـگ وتـئی آپْسَـــــــران/// سـَبـْزیْن گونـِک گون زامـُران
*خـُشـْبو تـِرَنـْت از زعـْفـِــــران/// کـولـِکْ گون شیرکـُمبیْن تـَڑان
*کـَوْردَپْ گون دازو کـِیـْـلـَّـڑان/// تئی کـُوچـَگ و تئی کـَهْچَـــران
*دانـِیـچّ گون شـِمش وکـَلـْپـَران/// آشــکــان مـَشـیـروپـَمـْپـُــــران
*زَرد پـُل گون زَردیْـن کـُمـْبـُران/// گـِرنچـیْـن پـَچـَنـْت چو ٹپُّران
*ڈولـُک گون زَهـْم و اِسـْپـَـــران/// سـولیْـن کـَهیـر گون شـَنـْگـَران
*جُـگـْـــــروکـَلیْـر و کـونَــــــــران/// شیـرن تِـرَنـْتْ چَه شَکـَّـــــران
*کیلـَّگ چـوْ نیلـّیْـن خـَیـْبَــران/// گواشُ گـِیابـِیْـن کـَوْرسـَـــران
*وَلّْ گـون شَـکـَر تامـیْـن بَــــران/// پـَرماشُ ماش گون باجـِــران
*چـَـٹینـْت و سا ٹنت لاگـَـــران /// گورُم گون بـَگ و باهـَـــران
*کـَرپاس گون سـیـْاهـیْـن سَمـَّران/// جوهان گون وَنڈ و بوهـَـران
*مـَرّانـا سـَـٹـَّنْت بے کـَــــران/// دادِنـْت ســَخـاوت گـُسـتـَـران
*لـَهـڑبـَخش و حاتـَم دَروَران/// بـَهـر کـَنـَنـْت گـُواپ وگـوران
*اعیـدِنـْت بـْرِهـْک و بے دَران/// جـوپاگ پـُلے بـے بـُنــــدَران
*بـْرِنج رون مـُراهـے شـامـگـِران/// نـِشـْتـَا دَنـی چون گـَونـَران
*دَسـْتور دَنـْت په چـاکـَـــران/// کـَشـَنْت په سـَر بارِگـِران
*گـُرامانی چـیْـرا تـَتـَّـــران/// پنڈوک مَه گواپان پـِشْـکِـران
*داس رونُ شـامـیـگا گـِــــرَان/// هـوش چـِنـَنـْت کـِرّو گــوران
*کـَٹّ کـَنـَنـْت چون تاجـِران/// کـَنـدَنـت گون زالان اَنــــدَران
*لاپِ دَریـن جـَت اِمـبـَران/// مـَچّ گون گـَرَکّ و کوکـِـــران
*کـِرگونْگ گون گـِرانیْن سربَران/// دریپَّانچ و نـَرمیْن سیمـُّران
*روکیْـن گِتـْرانـْگ چو انگـَران/// هامیْـن گون پـُلـِّیْـن پـَتـَّــــران
*بانجـِیْگے بـَهـرِنـْت بـَزگـَران/// انسان و مـُرگ و رَستـَــــران
* گـَنـْجـے په وار و لـَنگـَران /// کایَـَنْت و نِنْدَنـْت شـَهرگوران
*بَندَنـْت بـِرُنک و کاپـَــــــران/// لـُنجیْـن شـَگـَزّ گون ڈنـْگـَران
*سیْـرَنْت گـَریب چو میْـجـَران/// سـُند گواپ گون جاک وجـَلـَّران
*رُمـْب و اواچْک و اَلـْگـَــــران/// گـَپـِنت گـِهـِیْن خوش مَحضـَران
*تـئی سوهـَویْـن صـَنْعَت گـَران/// وَش مـَحفـَلیْـن دیوّان بَــران
*سـِینی شِلیتّ گون ساسَــــران/// کـَپّـوْگون گـِردیْـن چـَپَّــــران
*دهقان گون تـورا شیکّ وَران/// بـُرزیْـن گـَڈیـلانی ســـَران
*گورشـان چو شِیْـنـْکی ٹـُکـُّران/// ایـْوَند چو مارا شیْـپْ گـِران
*دیــــوّان کـُتـَگ آزا وَران/// پـونـْچِـن چو مـورا سُـرْسُرْان
*پات وکـَپات و کـُمبـُــران/// لوڑیگ گون ٹیه و ٹمبَران
*مولِد گون نازیْنک وسُران/// ٹیمبُک گون ڈهـْل وڈ ُکـُّران
* ناچی گـۏنْ سَــوْت و زَیْــمُــران/// شـــــادِه کـُتـَــک روْش آوَران
*لـُنـْجـیْـن، تَــیـاب وبَــنـــدران/// دَریـا گون واد وکـَلـَّـڑان
*بـوجیگ گونْ لوهـیْـنْ نـَنـْگَران/// نَول کـَنـَنـْت پـاسـیـنـجـِــران
*مـَچُّـو گونا ماهـی گـِران /// کایَـنـْت چه نیلبـُوئیْـن زِران
*سـارْم وتـِگِـلم و لـُوجـَـران/// کاشـک گون وَشـِّیْـن کولگـِران
*گور گون مـَزَن کالکیْـن کـِران/// دلسوک بـَنت خـُرما خـوْران
*زیـْد و چـِراگیْـن سـَوْلـدَران/// گرِیْـشَگ گون کاش وکـُلـدَران
*بـَگّ گون نـَلـڈیْـن هـُشـْتِــران/// بـَرّی قـَلـَم گوشـیْـن هـَـــــران
*اسپ وهـَزاری گـرُهـْبـَـــران/// بـُزگـَل گون میْـش و میـهـَڑان
*مـَهری گون پُلّ و پاکـَـڑان/// لـِیڑه گون پیلـِّی باهـُــڑان
*ڈاچی گـون گـُوَمْسِـیْـن جَـڑان /// کایـَنـْت چه جیْـدا زَنــــزَران
*پـُرّاپ گون ٹاب و ٹاهـُــران /// گامیْـش گون دیهی ڈّڈّران
*سانـْڌ چـو هَـمـا جــانـــاوَران /// ناهـُنـْجُمیْـن کاریــگـَــــران
*گـونَـنْـتْ، شَـریـک وچـا کَــران/// جـاکِنـْت مـُدام تـئی جُمبُــــران
*تـئی سـَربـُلـَندیْـن مِـهـتـَــــران/// راجئے کـمـاشِـیْـن سَـروَران
*گــــردِن کـشِــیْــن نـــام آوران/// صاحـِب دلِیْـن دِیـن پَـروَران
*شیْـر هِمـَتـِّیْـن سُلطان پَـران/// تـئی مان مـَیَاتکیْـن کـُنگـُـــران
*جَنگول وسَرکوَمیس نـَــــران/// نوجَوان گون شیْـری ٹیٹران
*برانـز گـِرَنت چو اِشکـَــران/// پُشـْتا نـَکـِنـْزَنـْت ٹکّران
*تئی مـهـربـانِــیْـن مـــادران /// شیــردَیَـنْـتْ شِــیْـرگـُلـُّـڑان
*بَلکیْـن کـَپَنـْت روچے گـَڑان /// بَکـْشـَنـْت سـَران په بـِرادَران
*تئی مَهلـِکائیْـن دُهـتـَـــران/// آهوگ رَواجیْـن درَمـگوران
*پاکـَنت چو آپی گوهـَـــران /// چیْـرَنت چه چـَشم اختـَــران
*گـُل گـَندَگیْـن مَهپـَیْکـَــران/// لـَجـّانی نازیْـن کـَوْتـَـــــران
*وَش چامـَلیْـن مَنـْجَوْسـَران/// پَشـْک وسـَریگ وچـــادَران
*سـَنگـَوْ گون زَرِّیْن زیوَران /// بیکـّانا دْرَنزَنت عـَنطـَــران
*مِسْـــک و زَبــــاد و عَـنْـبَران /// عهدش کـُتـَگ گون شـُوْهـَران
برچسبها:
<-PollName->
خبرنامه وب سایت:
آمار
وب سایت:
